Ein av fire får støtte

I Kulturrådets årsmelding for 2015 finn du oversikter i tal og tekst over alle tildelingane som blei gjort i fjor og ei skildring av Kulturrådets aktivitetar gjennom året.

- 2015 var eit spesielt år for Kulturrådet. Gjennom heile året har vi markert 50-årsjubileet for opprettinga av Norsk kulturråd, og hatt fokus på Kulturrådets historie og plass i norsk samfunnsliv gjennom 50 år. I tillegg var 2015 året da vår kjære direktør Anne Aasheim blei alvorlig sjuk, og til slutt forlot oss så alt for tidleg i mars 2016, seier fungerande direktør Vibeke Mohr.

Kulturrådet forvalta til saman over 1,1 milliardar kroner i 2015, fordelt på:

• Norsk kulturfond, 765,7 mill. kr
• Statens kunstnarstipend, 279,5 mill. kr
• Fond for lyd og bilete, 37,5 mill. kr
• Museumsutvikling, 26,3 mill. kr
• Andre oppgåver, inkl. kulturnæringar 12,7 mill. kr

 

 

Støtte til kvar tredje søkjar frå Kulturfondet

Den største pengesekken Kulturrådet forvaltar er Norsk kulturfond. Fondet var på 765,7 millionar kroner i 2015. Dette var ein auke på nesten 200 millionar i forhold til 2014. Årsaka til auken var i hovudsak at tidlegare post 74, driftsstøtte, blei innlema i Kulturfondet.

Dersom vi deler landet opp i landsdelar ser fordelinga av midlar slik ut:

 

Kunstnarstipend til ein av fem

Statens kunstnarstipend er den nest største pengesekken i Kulturrådet og blir forvalta av Utvalet for Statens kunstnarstipend og garantiinntekter. Kunstnarstipenda skal leggje til rette for at enkeltkunstnarar skal kunne bidra til eit mangfaldig og nyskapande kunstliv. I 2015 sendte 4265 søkjarar til samen nesten 8000 stipendsøknader.

Stipenda blei fordelte slik mellom landsdelane:

Du kan lese meir om fordeling av midlar i 2015 og Kulturrådet sine aktivitetar i årsmeldinga.

Les og last ned årsmeldinga for 2015 her.

Andre oppgåver i 2015

Kulturrådet utfører også ei rekkje andre oppgåver. Fond for lyd og bilete delte ut 37,5 millionar kroner til 550 prosjekt i løpet av 2015. Det kom inn i underkant av 3000 søknader til ordninga.

På museumsfeltet blei dei søkbare prosjektmidlane flytta frå statsbudsjettet itl tippenøkkelen frå og med 2015. Støtteordninga for museum blei lagt om til fire søkbare program: samfunnsrolla til museum, digital utvikling, samlingsforvalting og sikring. 26,3 millionar kroner blei delt ut til 100 søkjarar. I tillegg blei Den kulturelle skulesekken flytta over til Rikskonsertane frå og med 2016.

Tabell 1: Tal på tildelingar - Norsk kulturfond

Landsdel	Søknader	Tildelinger	Prosent
Sørlandet	239	99	41
Østlandet	4892	1638	33
Vestlandet	1422	473	33
Trøndelag	575	211	37
Nord-Norge	629	239	38
Utlandet	96	36	38
Totalt	7853	2696	34

 

Tabell 2: Søknadssum og tildelt sum - Norsk kulturfond

Landsdel	Søknadssum	Tildelt sum	Prosent
Sørlandet	45 183 561	17 036 653	38 %
Østlandet	1 345 453 215	418 315 291	31 %
Vestlandet	377 819 329	102 966 495	27 %
Trøndelag	159 613 420	53 185 800	33 %
Nord-Noreg	187 162 601	58 087 500	31 %
Utlandet	11 734 866	2 680 000	23 %
Totalt	2 126 966 992	652 271 739	31 %

 

Tabell 3: Tal på søkjarar og tildelingar - Statens kunstnarstipend

Landsdel	Tal på stipendsøkjarar	Tildelte stipend	Prosent
Sørlandet	93	15	16 %
Austlandet	2999	650	22 %
Vestlandet	662	144	22 %
Trøndelag	203	38	19 %
Nord-Norge	172	27	16 %
Utlandet	136	21	15 %
Totalt	4 265	895	21 %