Dialogmøte med kvenske og norskfinske kunst- og kulturaktørar
Kulturdirektoratet og Kulturrådet inviterer det kvenske og norskfinske kunst- og kulturfeltet til dialogmøte 30. og 31. mai i Vadsø. Formålet er å bli kjend med moglegheiter og utfordringar i feltet, og forstå korleis vi kan rigge oss slik at kvensk og norskfinsk kunst og kultur blir skapt, bevart og formidla til fleire.
| 30. - 31. mai 2024 | |
| Biblioteket i Vadsø | |
| Kulturdirektoratet og Kulturrådet |
Vi ønskjer kvenske og norskfinske kunstnarar og kulturaktørar, og andre som jobbar med eller er interesserte i kvensk og norskfinsk kunst og kultur, hjarteleg velkommen til å møte oss i Vadsø!
Kulturdirektoratet og Kulturrådet jobbar begge med å leggje til rette for eit levande og mangfaldig kunst- og kulturliv i Noreg gjennom tilskot til profesjonelle kunstnarar, arrangørar, utgivarar og ulike kulturverksemder over heile landet. Vi ønskjer å bli betre kjent med moglegheiter og utfordringar i det kvenske og norskfinske kunst- og kulturfeltet, og lære korleis tilskotsordningane våre kan bli relevante for fleire.
Påmelding
Møta er fullteikna! Det er mogleg å følgje delane av programmet som går føre seg i plenum via Zoom. Meld deg på, så sender vi deg lenkje til møtet.
Følg digitalt med på møta ved å melde deg på her
Program 30. mai: Dialogmøte med kunstnarar i det frie feltet
12:00: Kulturelt innslag.
12.15: Velkommen og informasjon om Kulturrådet ved rådsleiar Sigmund Løvåsen.
12:30: Panelsamtale: Utfordringar og moglegheiter i kvensk og norskfinsk kunst og kulturutvikling.
Deltakarar:
- Benedict Beldam, billedkunstnar
- Kristin Mellem, musikar
- Knut Erik Jensen, filmskapar
- Astrid Serine Hoel, scenekunstnar
Skodespelar Frank Jørstad leiar samtalen.
13:30: Pause.
14:00: Rundebordsamtalar.
15:15: Takk for i dag.
Program 31. mai: Dialogmøte med kulturaktørar
9:00: Kulturelt innslag.
9:10: Velkommen og informasjon om Kulturdirektoratet ved Øystein Strand, avdelingsdirektør for kunstnarisk produksjon og formidling.
9:20: Drivkraft, grasrotarbeid og institusjonsbygging
Store delar kunst- og kulturfeltet, også det kvenske/norskfinske, er basert på frivilligheit. Her får vi høyre erfaringar og utfordringar med å organisere og finansiere frivillig arbeid frå:
- Trygg Jakola, Ruija forlag
- Tove Rappaana Reibo, Paaskiviikko og KvaaniAani
- Åsne Kummeneje Mellem, Kvensk Kunstnerforbund
10:10: Pause.
10.25: Drivkraft og det profesjonelle feltet
Her får vi høyre frå profesjonelle kulturaktørar som kan vere inspirasjon og pådrivar for utvikling av det kvenske og norskfinske kunst- og kulturfeltet:
- Frank Jørstad, Kventeateret
- Helga Pettersen, Finnmark Internasjonale Litteraturfestival, Finnmark fylkeskommune
- Ulla Stina Willand, Nordnorsk Jazzsenter
11.10: Lunsj.
11:45: Informasjon om Kulturdirektoratet, Kulturrådet, Fond for lyd og bilete og Statens kunstnarstipend.
13:00: Rundebordsamtalar.
14:15: Takk for i dag.