– Kreativt Europa bidreg til auka samarbeid, men Kulturrådet kan vera meir målretta
Frå forestillinga "Labyrint" av Teatret Vårt, Regionteatret i Møre og Romsdal. Gjennom prosjektet turnerte forestillinga rundt omkring i Europa. Foto: Arild Moen, Tingh Kommunikasjon.
Ny evaluering av Kreativt Europa-programmet er no publisert og konklusjonane er klare: EU-programmet for støtte til kultur og kreative sektorar har vore viktig for internasjonale samarbeid på kultursida, nettverksbygging og auka kompetanse.
- Det er svært gledeleg at evalueringa viser til gode resultat for Kreativt Europa-prosjekta, seier Per Dehlin i internasjonal avdeling i Kulturrådet.
- Me er veldig opptekne av å nå ut med informasjon om programmet og det er gledeleg at evalueringa syner at me har lykkast med å vera synlege.
Kreativt Europa er EU sitt program for finansiering av prosjekt innan dei kulturelle og kreative sektorane. Norsk kulturråd og Norsk filminstitutt fungerer som nasjonale kontaktpunkt for programmet. Budsjettet er på 1,46 milliarder euro i perioden 2014-2020. Det er konsulentselskapet Menon som har gjennomført midtvegsevalueringa av programmet i Noreg, på oppdrag for Kulturdepartementet.
I fylgje rapporten er Kreativt Europa-programmet viktig fordi det legg til rette for samarbeid på tvers av grenser. Auka mangfald gjev potensial for fagleg og kunstnarleg utvikling, av både dei norske og dei internasjonale aktørane, og for vekst og inntening. Samla sett er kompetanse –og nettverkseffektane av deltaking i Kreativt Europa store, spesielt for kultursektoren.
Opner dører for mediasektoren i Noreg
Programmet bidreg også til ein bærekraftig og konkurransedyktig kultursektor i Norge. Det betyr mykje for kreative næringar, og programmet gjev difor nye utviklingsmoglegheiter, spesielt innan mediasektoren. Europeisk samarbeid innanfor TV, film, kunst og kultur gjev moglegheiter og åpner for tilgang til flere samarbeidspartnarar og eit stort publikum.
Mange aktørar innanfor alle sektorar seier at prosjekta ikkje ville blitt gjennomført utan finansiering som vert utløyst i programmet.
Oppmodar Kulturrådet til å vera meir målretta.
Menon understrekar at Kulturrådet og Norsk filminstitutt jobbar forskjellig i sitt oppdrag med å informera og rettleia potensielle søkjarar. Årsaka er mellom anna at mediaprogrammet, som Norsk Filminstitutt leier, og kulturprogrammet har ulike målgrupper og ulik innretning, og også at det er mindre personalressursar i kulturprogrammet. Dei understrekar at det er viktig å være målretta og oppmodar Kulturrådet til i enda større grad å samarbeida med paraplyorganisasjonar, fylkeskommunar og dei regionale Europakontora for å nå ut til feltet. Menon rår Kulturrådet til å driva meir oppsøkande verksemd og oppmuntra passande organisasjonar om å søkja.
Rapporten understreker at internasjonalt samarbeid gjev en dimensjon til kulturelt arbeid som ikkje berre kan målast i kroner og tal. Effektane av samarbeidet fører til kompetanseheving, internasjonal erfaring og også tilgang til ein større kulturelt marknad. Kulturuttrykk er i sin natur grenseoverskridande og det er viktig for norske kunstnarar og organisasjonar å være delaktige i det som skjer i og gjennom europeiske arenaer. Rapporten tilsluttar seg denne tilnærminga.
Les meir om Kreativt Europa-programmet